**AAK vendos kushte për zhbllokimin e situatës politike, Gjini rendit pesë kërkesa**
Aleanca për Ardhmërinë e Kosovës (AAK) ka deklaruar se është e gatshme të ndihmojë në themelimin e institucioneve të Kosovës. Fillimisht, ajo theksoi gatishmërinë për ta bërë këtë pa asnjë kusht apo kërkesë.
Këtë qëndrim e ka saktësuar kreu i partisë, Ardian Gjini, gjatë një konference për shtyp të mbajtur në selinë e AAK-së.
“Ne jemi të gatshëm të ndihmojmë pa asnjë kërkesë të drejtpërdrejtë, përveç zotimit të qartë se institucionet e ardhshme do t’i realizojnë menjëherë kërkesat tona,” citohet të ketë thënë Gjini.
Sipas tij, kërkesat specifike të partisë janë si vijon:
1. Ngritja e pragut të tatimit në pronë nga 80 mijë në 100 mijë euro.
2. Lirimi i tokave të punuara nga tatimi në pronë.
3. Buxhetim i plotë për ndërtimin e infrastrukturës jetike në Kosovë, duke përfshirë rrugët për Gjilan, Pejë, Gjakovë, Mitrovicë dhe Podujevë, të cilat aktualisht nuk janë të buxhetuara si duhet.
4. Ndarja e 1 miliard eurove për Prishtinën, duke theksuar se kryeqyteti po përballet me sfida në rritje dhe kërkon investime thelbësore.