Shefja e politikës së jashtme të BE-së, Kaja Kallas, njoftoi se sanksionet e reja që synojnë kompleksin ushtarako-industrial të Rusisë do të paraqiten të enjten, pasi forcat ruse nisën sulme masive gjatë natës në Kiev, duke vrarë të paktën 13 persona dhe duke plagosur dhjetëra të tjerë.
“Sot, do të propozoj të sanksionohen më shumë subjekte që mbështesin kompleksin ushtarako-industrial të Rusisë në përgjigje të sulmeve”, shkroi Kallas në X. “Sa më shumë që Moska sulmon civilët, aq më shumë sanksione duhet të vendosen. Ne vazhdojmë të rrisim koston derisa Rusia të kuptojë se nuk mund të fitojë.”
Sulmi erdhi pasi forcat ajrore të Ukrainës paralajmëruan se raketat balistike po drejtoheshin drejt kryeqytetit. Presidenti ukrainas Volodymyr Zelenskyy ndërpreu një vizitë në Dublin të mërkurën, duke cituar raportet e inteligjencës për një sulm të afërt rus, raporton Euronews.com.
Listat e reja nuk do të përfshihen në paketën e 21-të të sanksioneve, e cila aktualisht është në diskutim midis qeverive evropiane dhe pritet të miratohet deri në mesin e korrikut, në mënyrë që të shmangen klauzolat e rinovimit automatik.