Zgjedhjet në Serbi: Haradinaj u bën thirrje shqiptarëve të Luginës së Preshevës të votojnë për përfaqësim më të madh
Kryetari i Aleancës për Ardhmërinë e Kosovës (AAK), Ramush Haradinaj, u ka bërë thirrje shqiptarëve të Luginës së Preshevës – në Preshevë, Medvegjë, Bujanoc dhe vendbanimet e tjera – që të marrin pjesë masivisht në zgjedhjet parlamentare të Serbisë, të cilat do të mbahen më 25 tetor.
Haradinaj theksoi rëndësinë e një përfaqësimi sa më të fortë të shqiptarëve në Parlamentin e Serbisë. Ai vuri në pah diskriminimin dhe padrejtësitë me të cilat, sipas tij, përballen shqiptarët në këtë shtet.
Në një postim në rrjetet sociale, Haradinaj shprehu: “I ftoj bashkëkombësit shqiptarë në Preshevë, Medvegjë, Bujanoc dhe në vendbanimet e tjera, të dalin masivisht në votime.” Ai shtoi se përballë diskriminimit dhe padrejtësive nga shteti serb, një përfaqësim i madh në Parlament është thelbësor për të mbrojtur interesat shqiptare dhe për të informuar opinionin publik për shkeljet e të drejtave të tyre.
Më tej, Haradinaj u bëri thirrje shqiptarëve të “bashkohen në një listë të përbashkët dhe të votojnë ‘Koalicionin Shqiptar’, me nr. 17, për një zë më të fuqishëm të shqiptarëve në Parlamentin e Serbisë!”