Kandidati i “Listës së Studentëve” thekson: “Nuk do ta njohim kurrë pavarësinë e Kosovës”
Jugoslav Gashiq, kandidat për deputet i “Listës së Studentëve”, ka deklaruar se kjo listë “nuk do ta njohë kurrë pavarësinë e Kosovës”.
Gashiq shtoi se po përhapen “dezinformata” lidhur me këtë çështje. “Gjithashtu, kam informacione se po krijohet panik se Lista e Studentëve do ta njohë Kosovën, gjë që është absolutisht e pakuptimtë,” deklaroi ai.
Ai theksoi se qëndrimi i Listës së Studentëve për këtë çështje është përcaktuar qartë në programin e saj dhe se nuk lë vend për interpretime të ndryshme.
“Nga programi ynë është absolutisht e qartë se ne nuk do ta bëjmë këtë, dhe theksoj se Lista e Studentëve nuk do ta njohë kurrë Kosovën,” u shpreh Gashiq.
Sipas tij, të gjithë qytetarët që kanë votuar për Listën e Studentëve janë në dijeni të qëndrimit të saj ndaj Kosovës.