Tri raste të dhunës në familje brenda një dite në rajonin e Prishtinës, tre të dyshuar dërgohen në mbajtje
Tri raste të dhunës në familje u raportuan të premten, më 6 nëntor 2026, në lokalitetet Fushë Kosovë, Prishtinë dhe Gllogoc. Për secilin prej këtyre incidenteve, të dyshuarit janë dërguar në mbajtje me vendim të prokurorit.
Sipas raportit të Policisë së Kosovës, rasti i parë u shënua në Fushë Kosovë, rreth orës 05:00. Atje, një burrë dyshohet se ka kanosur familjarët e tij. Policia bëri të ditur se i dyshuari, i cili vuan nga probleme të shëndetit mendor, është dërguar në mbajtje.
Rasti i dytë ndodhi në Prishtinë, rreth orës 12:55. Një burrë dyshohet se ka ushtruar dhunë psikologjike ndaj ish-partneres së tij, me të cilën kishte bashkëjetuar dhe ka dy fëmijë të përbashkët. Pas arrestimit dhe intervistimit, i dyshuari është dërguar në mbajtje.
Ndërkaq, në Gllogoc, rreth orës 21:00, u arrestua një burrë pasi dyshohet se, pas një mosmarrëveshjeje, ka ushtruar dhunë psikologjike ndaj bashkëshortes së tij. Edhe në këtë rast, me vendim të prokurorit, i dyshuari është dërguar në mbajtje.