Arabia Saudite ka parandaluar një sulm me raketa dhe dronë drejt kryeqytetit Riad, duke njoftuar se sistemet e saj të mbrojtjes ajrore kanë rrëzuar dy raketa dhe tre dronë.
Agjencia e lajmeve Reuters raporton se autoritetet saudite deklaruan se sulmi u parandalua nga sistemet e mbrojtjes ajrore, por nuk u dhanë detaje mbi dëmet e mundshme apo personat e lënduar.
Ky incident ndodh në një periudhë tensionesh të larta në rajonin e Lindjes së Mesme, ku sulmet e shpeshta me raketa dhe dronë kanë thelluar shqetësimet për një përshkallëzim të situatës së sigurisë.
Autoritetet saudite nuk kanë dhënë ende detaje të hollësishme mbi origjinën e raketave dhe dronëve.