Tetë fëmijë u vranë në një sulm me armë zjarri në Luiziana
Tetë fëmijë, të moshës nga 1 deri në 14 vjeç, u vranë në Shreveport, Luiziana, gjatë një sulmi me armë zjarri, të cilin policia e ka cilësuar si një “shqetësim familjar”. Lajmin e ka raportuar BBC.
Oficerët bënë me dije se incidenti ndodhi rreth orës 05:00 me orën lokale (10:00 BST), kur një person i armatosur hapi zjarr ndaj dhjetë personave. Policia e ndoqi dhe e vrau autorin teksa po tentonte të largohej.
Kryebashkiaku i Shreveport, Tom Arceneaux, shprehu dhimbjen, duke deklaruar: “Kemi familje të lënduara, oficerë policie të lënduar, personel mjekësh ligjorë. Kjo prek të gjithë komunitetin, prandaj të gjithë vajtojmë me këto familje.”
Policia nuk ka bërë të ditur identitetin e autorit apo të viktimave, por theksoi se disa nga fëmijët kishin lidhje familjare me autorin e vdekur.