Zbulohet lista e konkurrentëve të “Ferma VIP 3”
Sezoni i tretë i programit “Ferma VIP” rikthehet këtë të premte. Si zakonisht, para nisjes zyrtare të spektaklit, fillojnë spekulimet për emrat e mundshëm të pjesëmarrësve në këtë emision realiteti.
Së fundmi, ekipi i emisionit “UËTËFË Show” në Andale Media ka kryer kërkimet e veta dhe duket se ka siguruar listën e personazheve që pritet të bëhen pjesë e fermës këtë vit.
Lista është e gjerë dhe përfshin artistë, aktorë, figura publike me ndikim dhe personalitete të njohura të ekranit, disa prej të cilëve janë tashmë mjaft të famshëm.
Mes emrave të përmendur gjenden këngëtaret Jonida Maliqi dhe Soni Malaj, aktori dhe humoristi Elvis Pupa, si dhe poetja e shkrimtarja Mimoza Ahmeti. Lista vazhdon me emra nga fusha të ndryshme të botës së spektaklit, aktrimit dhe rrjeteve sociale, si Sara Karaj, Romir Zalla, Vanesa Sono, Adi Pula dhe DJ Rafaela.
Gjithashtu, ndër konkurrentët e mundshëm mund të jenë edhe Blerina Bajko, Gona Sina, Gresa Sekiraqa, Beni Vacaj, Malbora Gurra, Kuba, si dhe Fabiola Elezaj, Xhesi Loci, Akil Vardi dhe Indri Shiroka.
Ndërkohë, këtë sezon vëmendja nuk përqendrohet vetëm te konkurrentët. Si opinionistë do të ulen Einxhel Shkira, Armina Mevlani dhe Ermal Mamaqi.
Sezoni i ri shënon edhe rikthimin në ekran të moderatores Arbana Osmani, e cila do të drejtojë programin. Ky rikthim është veçanërisht interesant, pasi shënon herën e parë që ajo shfaqet në një tjetër kanal televiziv pas shumë vitesh në Top Channel dhe në një format që rivalizon drejtpërdrejt me “Big Brother VIP Albania”, program të cilin ajo e ka moderuar për disa edicione.