Presidenti i Shteteve të Bashkuara, Donald Trump, ka njoftuar për një armëpushim treditor mes Rusisë dhe Ukrainës, duke bërë të ditur edhe shkëmbimin e 1000 të burgosurve nga secila palë.
Sipas njoftimit të Trump, armëpushimi do të nisë më 9 maj, duke shënuar një moment historik në ndaljen e përkohshme të konfliktit.
Në një deklaratë të tij, Trump u shpreh:
“Kam kënaqësinë të njoftoj se do të ketë një armëpushim treditor (9, 10 dhe 11 maj) në luftën mes Rusisë dhe Ukrainës. Festimi në Rusi lidhet me Ditën e Fitores, por ky armëpushim vjen në një kohë festive edhe për Ukrainën, e cila gjithashtu luajti një rol thelbësor në Luftën e Dytë Botërore.
Ky armëpushim do të përfshijë pezullimin e të gjitha aktiviteteve luftarake, si dhe një shkëmbim të 1000 të burgosurve nga çdo shtet. Kjo kërkesë u bë drejtpërdrejt nga unë dhe e vlerësoj shumë pranimin e saj nga Presidenti Vladimir Putin dhe Presidenti Volodymyr Zelenskyy.
Shpresojmë që ky të jetë fillimi i fundit të një lufte shumë të gjatë, vdekjeprurëse dhe me luftime të ashpra. Bisedimet për t’i dhënë fund këtij konflikti madhor, më i madhi që nga Lufta e Dytë Botërore, po vazhdojnë dhe ne po afrohemi gjithnjë e më shumë çdo ditë drejt një zgjidhjeje.
Ju falënderoj për vëmendjen ndaj kësaj çështjeje!
Presidenti DONALD J. TRUMP.”