Garda Revolucionare Islamike e Iranit (IRGC) deklaron se një supercisternë, që transportonte mbi dy milionë fuçi naftë bruto, është përfshirë nga zjarri pasi ka goditur një minë detare, teksa po përpiqej të kalonte Ngushticën e Hormuzit përmes një rruge “të paautorizuar”.
Marina e Gardës Revolucionare Islamike të Iranit (IRGC) e përshkroi anijen si një cisternë “jashtë kontrollit”, e cila kishte fikur sistemet e navigimit dhe radarit.
Ajo pretendoi se cisterna ishte përpjekur të shfrytëzonte mbështetjen ushtarake amerikane për të transportuar mallra përmes ngushticës.
Në deklaratë nuk u identifikuan anija, pronari i saj apo flamuri nën të cilin lundronte.
Gjithashtu, nuk u dhanë informacione për viktima të mundshme apo për shkallën e dëmeve.
Kjo ndodhi në një kohë të tensioneve të shtuara mes Iranit dhe SHBA-së lidhur me lirinë e lundrimit në Ngushticën e Hormuzit, një korridor i rëndësishëm për transportin global të naftës dhe gazit.
Trafiku detar përmes kësaj rruge ujore është ndërprerë rëndë që kur SHBA-ja dhe Izraeli nisën sulmet kundër Iranit më 28 shkurt.
JUST IN:
A supertanker carrying more than 2 million barrels of oil was struck and exploded after hitting a naval mine laid by IRGC along a route in the Strait that Iran has illegally declared.
The incident occurred today, while some reports claim the vessel was hit by a cruise missile instead.
— Current Report (@Currentreport1) October 17, 2026