Jori Delli, ish-banorja e Big Brother VIP Albania, ka tërhequr sërish vëmendjen e ndjekësve në rrjetet sociale. Ajo ka publikuar një fotografi romantike me partnerin e saj, reperin italian Fred De Palma.
Në imazhin e postuar në Instagram, çifti shfaqet duke pozuar para pasqyrës së një ashensori. Jori ka zgjedhur një stil veror me një bluzë portokalli dhe kapelë kashte, ndërsa Fred De Palma paraqitet me veshje sportive dhe syze dielli.
Fotografia është shoqëruar me disa zemra me ngjyra, duke theksuar atmosferën romantike mes tyre.
Jori Delli dhe Fred De Palma prej kohësh nuk e fshehin lidhjen e tyre, ndërsa shpesh ndajnë me ndjekësit momente nga përditshmëria dhe udhëtimet që bëjnë së bashku.