Presidenti aktual i SHBA, Joe Biden, pritet të publikojë vjeshtën e ardhshme një libër biografik, sipas njoftimit të shtëpisë botuese.
Libri, i titulluar “Promise Me, America”, do të trajtojë “sfidat me të cilat u përballëm si komb, vendimet që mora dhe përse i mora. Por mbi të gjitha do të trajtojë besimin tim tek premtimi për Amerikën”, deklaroi Presidenti i Shteteve të Bashkuara.
Biden, i cili do të mbushë 84 vjeç tri ditë pas daljes në qarkullim të librit, theksoi se vepra do të përfshijë çështje që variojnë nga ekonomia amerikane deri te vendimi i tij për të hequr dorë nga gara presidenciale e vitit 2016.
Publikimi i librit është planifikuar për më 17 nëntor, vetëm pak ditë pas zgjedhjeve të mesmandatit që do të mbahen në Shtetet e Bashkuara.
Titulli i tij kujton atë të vitit 2017, “Promise Me, Dad”, i cili fokusohej te vdekja e djalit të presidentit, Beau Biden.
Ndër librat e mëparshëm të Biden përmendet edhe “Promises to Keep”, i publikuar për të nxitur kandidimin e tij për president në vitin 2008, një periudhë kur Barack Obama ishte favorit për nominimin e partisë.
“Promise Me, America” vjen në një vit kur shitjet e zhanrit të jo-fiksionit në Shtetet e Bashkuara kanë shënuar rënie të ndjeshme dhe kur pak libra me tematikë politike kanë arritur të tërheqin vëmendjen.
Kjo, pavarësisht se ndër librat më të shitur të fundit përfshihen vepra e Senatorit J.D. Vance, “Comunion”, si dhe një tjetër mbi mandatin e dytë të Trump, shkruar nga dy gazetarë të “New York Times”, me titull “Regime Change”.
Me rastin e publikimit, Biden ka në plan të zhvillojë ture promovuese dhe të japë intervista, pavarësisht moshës së tij të thyer dhe problemeve shëndetësore.