Derbi i Stambollit mes Galatasarayt dhe Fenerbahçes u mbyll me skena të rënda, pasi futbollistët e të dyja skuadrave u përfshinë në një përleshje masive pas përfundimit të ndeshjes.
Galatasaray fitoi 2-1, por pas vërshëllimës së fundit situata doli jashtë kontrollit.
Gjithçka nisi nga përplasja mes Kerem Aktürkoğlu dhe Roland Sallait, përpara se konflikti të përhapej te futbollistët e tjerë dhe pjesëtarët e shtabeve teknike, shkruan “Gazeta Express”.
Momenti më i tensionuar ishte përleshja mes kapitenit të Galatasarayt, Abdülkerim Bardakcı, dhe mbrojtësit të Fenerbahçes, Archie Brown, të cilët përfunduan në tokë.
Për të ndalur incidentin u desh ndërhyrja e policisë. Gjyqtari Atilla Karaoğlan ndëshkoi me kartonë të kuq Bardakcı dhe Brown, ndërsa Aktürkoğlu dhe Sallai morën kartonë të verdhë.
Une bagarre pour clôturer Galatasaray – Fenerbahce : les bras m’en tombent. https://t.co/loug9m7C3x
— Feuille de Match (@fdematch) October 27, 2026
Në fushë, Victor Osimhen ishte vendimtar për Galatasarayn, duke realizuar të dy golat e fitores.
Megjithatë, pamjet e përleshjes pas ndeshjes e zhvendosën vëmendjen nga rezultati te skenat e shëmtuara në një prej rivaliteteve më të zjarrta të futbollit turk. /Gazeta Express