Kosova do të përfaqësohet me dy ekipe kombëtare në disiplinën e futbollit në Lojërat Mesdhetare “Taranto 2026”, të cilat do të zhvillohen në Itali.
Në këtë ngjarje të rëndësishme sportive, ngjyrat e Kosovës do t’i mbrojnë Kombëtarja U21 e meshkujve dhe Kombëtarja U18 e femrave.
Përfaqësuesja U21 e Kosovës është vendosur në Grupin B, ku do të përballet me Italinë, Shqipërinë dhe Algjerinë. Dardanët do të synojnë një paraqitje sa më të mirë në këtë kompeticion dhe kalimin në fazën e eliminimit direkt.
Ndërkohë, Kombëtarja U18 e femrave bën pjesë po ashtu në Grupin B, së bashku me Italinë dhe Slloveninë.
Kështu, të dyja ekipet kosovare do të kenë mundësinë të përballen me përfaqësuese të vendeve të ndryshme dhe të prezantojnë futbollin kosovar në një prej ngjarjeve më të rëndësishme shumësportëshe në rajonin e Mesdheut.
Pjesëmarrja në “Taranto 2026” paraqet një tjetër mundësi të rëndësishme për futbollistët dhe futbollistet e reja kosovare për të fituar përvojë ndërkombëtare dhe për të përfaqësuar Kosovën në arenën ndërkombëtare.