**Naser Rafuna kritikon deputetët: Aktivizohen vetëm para zgjedhjeve për vota**
Aktori Naser Rafuna është shprehur kritikisht përmes një postimi në rrjetet sociale, duke iu drejtuar deputetëve në mënyrë të përgjithshme, pa përmendur emra konkretë.
Në reagimin e tij, Rafuna shpreh pakënaqësi për mungesën e angazhimit të disa deputetëve gjatë mandatit, duke theksuar se ata nuk kanë folur apo vepruar në interes të qytetarëve.
Sipas aktorit, deputetët bëhen aktivë vetëm në prag të zgjedhjeve, me qëllim sigurimin e votave për një mandat të ri.
Ai e konsideron këtë sjellje si të papranueshme dhe të pandershme, duke kritikuar ashpër qasjen e politikanëve që, siç thotë ai, kujtohen për qytetarët vetëm kur u nevojitet mbështetja elektorale. (Burimi: Indeksonline)