Negociatorët e Bashkimit Evropian (BE) kanë siguruar një marrëveshje paraprake për disa klauzola thelbësore të marrëveshjes tregtare me Shtetet e Bashkuara (SHBA). Një prej këtyre klauzolave parashikon mundësinë e pezullimit të marrëveshjes në rast të një rritjeje të padrejtë të importeve amerikane në tregun evropian, siç raporton Euronews.
Sipas burimeve, po diskutohet gjithashtu një “klauzolë përfundimi”, e cila do ta mbyllte automatikisht marrëveshjen nëse nuk rinovohet pas një periudhe të caktuar.
Megjithatë, negociatat ende nuk kanë përfunduar, pasi mbetet e hapur çështja e afatit të zbatimit të marrëveshjes. Kjo vjen në një kohë kur SHBA-ja ushtron presion përmes kërcënimeve për tarifa shtesë ndaj BE-së.