Malishevë: Dy të Moshuarve u Grabiten 600 Euro Nën Kërcënimin e Armës
Një grabitje me armë ka ndodhur të mërkurën në fshatin Rudë të Malishevës, ku dy të moshuarve u janë marrë rreth 600 euro.
Sipas njoftimit të policisë, dy persona të dyshuar, të maskuar, kanë hyrë në banesën e viktimave. Nën kërcënimin e armës, ata u kanë marrë shumën prej rreth 600 eurosh dhe më pas janë larguar në drejtim të panjohur.
Autoritetet policore theksojnë se nga ky incident nuk ka persona të lënduar, ndërsa rasti është në procedurë hetimore për zbardhjen e plotë të tij dhe kapjen e autorëve.