Ndërprerje e ujit në një pjesë të madhe të Prishtinës: Shkak, defekt në rrjetin e ujësjellësit
**Prishtinë** – Kompania Rajonale e Ujësjellësit “Prishtina” (KRU “Prishtina”) ka njoftuar sot për një defekt të rëndë në rrjetin e ujësjellësit, i cili ka lënë pa furnizim me ujë një pjesë të madhe të kryeqytetit. Defekti është lokalizuar në afërsi të Pallatit të Rinisë.
Sipas njoftimit të KRU “Prishtina”, problemi ka ndodhur në një gyp me diametër 350 mm. Si pasojë e këtij defekti, banorët e zonave të prekura do të përballen me mungesë të ujit deri në sanimin e plotë të problemit.
Ekipet teknike të KRU “Prishtina” janë tashmë në terren dhe po punojnë intensivisht për riparimin e defektit. Kompania ka apeluar për mirëkuptim nga qytetarët për shqetësimin e krijuar, duke siguruar se do të bëhet gjithçka e mundur për të rikthyer furnizimin me ujë sa më shpejt të jetë e mundur.