Skandal korrupsioni në Ukrainë: Ish-shefi i stafit të Zelenskyt, Andriy Yermak, zyrtarisht i dyshuar
Agjencia Antikorrupsion e Ukrainës ka njoftuar zyrtarisht se Andriy Yermak, ish-shefi i stafit të Presidentit Volodymyr Zelensky, është i dyshuar në një çështje korrupsioni të hetuar prej kohësh, raporton Reuters.
Edhe pse agjencia nuk e zbuloi emrin e të dyshuarit, siç e kërkon ligji ukrainas, disa media në Ukrainë kanë raportuar se bëhet fjalë për Yermak. Ky i fundit dha dorëheqjen në nëntor të vitit të kaluar, në mes të një skandali korrupsioni që shkaktoi zemërim të gjerë publik gjatë luftës.
Yermak, i cili njihej si “kardinali gri” i Ukrainës për shkak të ndikimit dhe pushtetit të tij të gjerë prapa skenave, dha dorëheqjen më 28 nëntor 2023, vetëm disa orë pasi agjentët antikorrupsion bastisën rezidencën e tij.