Fabrizio Romano konfirmon: Michael Carrick rinovon me Manchester United
Gazetari i njohur italian, Fabrizio Romano, ka konfirmuar se Michael Carrick ka firmosur një kontratë të re me Manchester United.
Sipas marrëveshjes së re, 44-vjeçari do të qëndrojë në “Old Trafford” deri në qershor të vitit 2028, me opsion zgjatjeje edhe për një sezon shtesë, deri në vitin 2029.
Në të njëjtën kohë, edhe ndihmëstrajneri Steve Holland ka rinovuar kontratën e tij, me kushte të ngjashme dhe një kohëzgjatje identike.
Carrick mori drejtimin e skuadrës së Manchester United në janar të vitit 2026, pas largimit të Ruben Amorim, dhe që prej asaj kohe ka udhëhequr ekipin drejt një ecurie të fortë në Ligën Premier.
Në 16 ndeshje të kampionatit, Manchester United ka regjistruar 11 fitore, tre barazime dhe vetëm dy humbje.
Aktualisht, skuadra pozicionohet në vendin e tretë në Ligën Premier dhe ka siguruar tashmë kualifikimin për edicionin e ardhshëm të Ligës së Kampionëve.