**Gruaja plagos me thikë një burrë në Prishtinë, arrestohet e dyshuara**
Një grua është arrestuar pasditen e djeshme në Prishtinë, nën dyshimin se ka plagosur me thikë një burrë.
Sipas raportit 24-orësh të Policisë së Kosovës, e dyshuara ka sulmuar viktimën me thikë, duke i shkaktuar lëndime trupore. Viktima është dërguar menjëherë për trajtim mjekësor.
Ngjarja ka ndodhur në Prishtinë, më 27.05.2026, rreth orës 13:30. Policia saktëson se e dyshuara, një shtetase kosovare, ka sulmuar me thikë viktimën, po ashtu shtetas kosovar, i cili ka marrë lëndime dhe është dërguar për trajtim.
Lidhur me këtë rast, e dyshuara fillimisht është dërguar për trajtim mjekësor në Spitalin Psikiatrik dhe më pas, me vendim të prokurorit, është dërguar në mbajtje.