**Kryeson Vjosa Osmani: Prurjet e reja me votat më të larta në LDK**
Ndërsa procesi i numërimit të votave vazhdon, me rreth 19.58% të kutive të numëruara deri më tani, rezultatet preliminare kanë filluar të zbulojnë kandidatët më të votuar brenda listës së Lidhjes Demokratike të Kosovës (LDK).
Në krye të kësaj liste renditet Vjosa Osmani, një nga prurjet e reja më të shquara, e cila ka grumbulluar bindshëm 13,575 vota. Ky rezultat e pozicionon atë si kandidaten me më shumë vota brenda subjektit, duke lënë pas emra të tjerë të njohur të partisë.
Në mesin e prurjeve të tjera, Albena Reshitaj, e cila ka kaluar nga Lëvizja Vetëvendosje, renditet e 16-ta në listë me 2,876 vota të siguruara deri më tani.
Po ashtu, Jeta Statovci, e renditur e 21-ta, ka marrë 2,153 vota, duke treguar mbështetje të konsiderueshme nga elektorati.
Një tjetër kandidate me performancë të mirë është Farie Hoti, e cila pozicionohet e 28-ta me 1,647 vota.
Ndër emrat që kanë siguruar vota të mjaftueshme përfshihet edhe Haxhi Avdyli, i 39-ti në listë, me 1,046 vota. Dhe, Bardhyl Hasanpapaj, i 44-ti, ka fituar 944 vota, sipas të dhënave aktuale të numërimit.