CNN: 300 Miliardë Dollarë për Rindërtimin e Iranit – Sa e Madhe është Kjo Shifër?
Memorandumi 14-pikësh i mirëkuptimit, i arritur mes Presidentit Donald Trump dhe Iranit, parashikon krijimin e një fondi prej 300 miliardë dollarësh për rindërtimin dhe zhvillimin ekonomik të Iranit.
Deri më tani, janë bërë publike pak detaje rreth këtij plani. Mbetet e paqartë, veçanërisht, se kush do ta financojë atë.
Presidenti Trump ka deklaruar se SHBA-ja nuk do të paguajë asgjë dhe ka sugjeruar se fondet mund të vijnë nga shtetet e Gjirit dhe nga asetet e ngrira të Iranit.
Për ta vënë këtë shifër në perspektivë, CNN-i ka bërë një krahasim të asaj që përfaqësojnë 300 miliardë dollarë:
* Afërsisht sa buxheti i NASA-s për 12 vjet, duke marrë parasysh se buxheti i saj për vitin 2026 është 24.4 miliardë dollarë.
* Pothuajse sa ekonomia e 50-të më e madhe në botë, e ngjashme me ekonominë e Finlandës, e cila vitin e kaluar arriti në 317 miliardë dollarë.
* Rreth shpenzimeve ushtarake të Kinës vitin e kaluar, që ishin rreth 336 miliardë dollarë, sipas vlerësimit të Institutit Ndërkombëtar të Kërkimeve për Paqen në Stokholm (SIPRI).
* Pak më e ulët se buxhetet kombëtare të vendeve si Turqia (339 miliardë dollarë) dhe Kanadaja (345 miliardë dollarë) gjatë vitit të kaluar.