Tragjedi në Gjilan: Fëmijë ndërron jetë pas aksidentit me trotinet elektrik
Një fëmijë ka ndërruar jetë dje në Qendrën Klinike Universitare të Kosovës (QKUK), si pasojë e lëndimeve të rënda të pësuara nga një aksident me trotinet elektrik. Aksidenti fatal kishte ndodhur më 8 qershor 2026, në rrugën “Pajazit Nushi” në Gjilan.
Vdekja e fëmijës është konfirmuar më 20 qershor 2026. Policia e Kosovës, përmes raportit të saj ditor, ka detajuar rastin si një “vetaksident trafiku me fatalitet”, ku viktima, një fëmijë mashkull kosovar, kishte pësuar lëndimet e rënda pasi ishte rrëzuar nga trotineti elektrik.
Me urdhër të prokurorit, trupi i pajetë i fëmijës i është dorëzuar familjarëve.