**Ngushtica e Hormuzit: Rruga Jugore mbetet e hapur, konfirmon Qendra Detare**
Rruga jugore, një korridor detar strategjik përmes Ngushticës së Hormuzit, vazhdon të jetë e hapur për lundrim në të dy drejtimet. Ky konfirmim vjen nga Qendra e Përbashkët e Informacionit Detar (JMIC), e mbikëqyrur nga Marina Amerikane, pavarësisht pretendimeve të Iranit se kjo rrugë ujore me rëndësi jetike ishte mbyllur, shkruan CNN.
“Forcat amerikane janë të gatshme të ruajnë lirinë e lundrimit dhe të mbrojnë tregtinë e ligjshme në përputhje me të drejtën ndërkombëtare. Rruga jugore e Ngushticës mbetet e hapur”, theksoi JMIC në një deklaratë këshilluese të publikuar të dielën.
Megjithatë, pavarësisht kësaj deklarate, niveli i kërcënimit të sigurisë në këtë korridor detar mbetet “i lartë”, shtoi JMIC.
Më herët gjatë së dielës, sipas orës lokale, Garda Revolucionare Islamike e Iranit kishte deklaruar se e kishte mbyllur Ngushticën, pasi kishte qëlluar me një të shtënë paralajmëruese ndaj një anijeje që po përpiqej të përdorte një rrugë të paautorizuar kalimi nëpër këtë ujëdhesë.