**Shaqiri dhe Zhegrova, titullarë në miqësoren Basel-Juventus**
Në një ndeshje miqësore të rëndësishme, dy futbollistët kosovarë, Xherdan Shaqiri dhe Edon Zhegrova, do të përballen sot si kundërshtarë. Të dy lojtarët pritet të jenë titullarë në këtë përballje mes Baselit dhe Juventusit.
Ndeshja, e cila shërben si përgatitje për sezonin e ri, do të zhvillohet në orën 15:30. Sipas burimeve, formacionet zyrtare të publikuara nga të dyja skuadrat konfirmojnë se si Shaqiri, ashtu edhe Zhegrova, do të jenë në fushë që nga minuta e parë.
Për Edon Zhegrovën, kjo ndeshje ka një rëndësi të veçantë, pasi ai rikthehet në “St. Jakob-Park”, stadiumin e Baselit, klub ku nisi ngritja e tij profesionale. Lidhur me këtë rikthim, Zhegrova shprehu entuziazmin e tij:
“Bazeli ishte një kapitull shumë i rëndësishëm në karrierën time. Për këtë arsye, do të jetë diçka speciale të luaj përsëri në St. Jakob-Park. Kam shumë kujtime të bukura me klubin, qytetin dhe tifozët. Do të jetë kënaqësi të shoh përsëri fytyra të njohura,” kishte deklaruar Edon Zhegrova.