Aktorja turke Ilsu Demirci, në Kosovë për Sunny Hill Festival
Aktorja e njohur turke, Ilsu Demirci, po merr pjesë në Festivalin Sunny Hill, i cili po mbahet në Bërnicë të Prishtinës.
Demirci ka ndarë me ndjekësit e saj në rrjetet sociale pamje nga qëndrimi në Kosovë, duke shpërndarë atmosferën e festivalit dhe përjetimet e saj nga vizita.
Aktorja numëron një bazë të madhe ndjekësish, me rreth 1.5 milion vetëm në Instagram, ku çdo postim tërheq vëmendje të gjerë.
Për publikun shqiptar, Ilsu Demirci është bërë e njohur falë rolit të saj në serialin turk “Arafta”, i cili ka gjetur pëlqim të madh edhe në vendet shqipfolëse.
Prania e saj në Sunny Hill Festival shërben si një dëshmi tjetër e interesit të figurave ndërkombëtare për këtë ngjarje muzikore, e cila çdo vit tërheq vizitorë dhe artistë nga mbarë bota.
Edhe këtë edicion, Sunny Hill Festival ka mirëpritur artistë të njohur ndërkombëtarë, duke krijuar një atmosferë unike për mijëra pjesëmarrës.
Performancat mbresëlënëse, energjia e publikut dhe prania e yjeve të njohur të muzikës e kanë shndërruar festivalin në një nga ngjarjet më të rëndësishme kulturore në rajon.