Atletico ndalon transferimin e Álvarez drejt Barcelonës; Arsenal, favorit
Atlético Madridi ka bërë të qartë qëndrimin e tij lidhur me të ardhmen e Julián Álvarez, duke deklaruar se nuk do të lejojë transferimin e sulmuesit argjentinas te Barcelona.
Raportimet e fundit theksojnë se trajneri Diego Simeone ka biseduar me Álvarez rreth situatës së tij. Drejtuesit e klubit madrilen janë të vendosur të mos përforcojnë një rival të drejtpërdrejtë në La Liga, duke e bërë transferimin në Barcelonë të pamundur.
Megjithatë, thuhet se Atlético do të ishte i gatshëm të shqyrtonte oferta për Álvarez, vetëm nëse destinacioni i tij do të ishte një klub jashtë Spanjës.
Si rezultat i kësaj situate, Arsenal ka filluar të konsiderohet favorit në garën për sulmuesin 26-vjeçar, i cili mbetet një prej objektivave kryesorë të tyre në merkaton e kësaj vere.
Barcelona vazhdon të monitorojë situatën, por qëndrimi i prerë i Atlético Madridit ka komplikuar ndjeshëm mundësinë e një transferimi të Álvarez në Camp Nou. Burime të ndryshme sugjerojnë se klubi madrilen nuk dëshiron ta shesë lojtarin fare, pavarësisht interesimit të katalanasve.