Arteta synon të zgjasë qëndrimin te Arsenali, pritet rinovimi i kontratës
Mikel Arteta ka shprehur qartë dëshirën për të vazhduar si trajner i Arsenalit edhe përtej vitit 2027.
Kontrata aktuale e trajnerit spanjoll me “Topçinjtë” përfundon në vitin 2027, por Arteta ka shfaqur ambicien për të zgjatur qëndrimin e tij në “Emirates Stadium”. Sipas burimeve, palët pritet të ulen së shpejti në tryezën e bisedimeve për të negociuar një marrëveshje të re.
Nën drejtimin e Artetës, Arsenali ka njohur një transformim të ndjeshëm, duke u rikthyer në nivele të larta dhe duke u bërë sërish një prej pretendentëve kryesorë për titullin e Premier League. Ai ka rigjallëruar shpresat e tifozëve për një trofe kampionati pas më shumë se dy dekadash.
Trajneri 44-vjeçar është në krye të Arsenalit që nga dhjetori i vitit 2019, ndërsa kontrata e tij aktuale e mban në klub deri në vitin 2027.
Arteta ka shprehur vullnetin e tij për të vazhduar punën në Londër, me synimin për të firmosur një kontratë të re afatgjatë që do ta lidhë atë me Arsenalin edhe për shumë vite të tjera.