Irani dhe Omani po zhvillojnë bisedime mbi modalitetet e kalimit të sigurt të anijeve nëpërmjet Ngushticës së Hormuzit. Zëdhënësi i Ministrisë së Jashtme të Iranit, Esmaeil Baqaei, deklaroi se Teherani është angazhuar në diskutime me Omanin për të shqyrtuar një procedurë që do të sigurojë kalimin e papenguar të anijeve në këtë ngushticë strategjike, raporton ABC News.
Baqaei theksoi se bisedimet me Omanin janë zhvilluar në nivelin e zëvendësministrave të jashtëm dhe shprehu bindjen se ato do të vazhdojnë deri në arritjen e një përfundimi.
Lidhur me kërcënimet e afatit të vendosur nga Presidenti Donald Trump, Baqaei pohoi se iranianët nuk do t’i nënshtrohen afateve kur bëhet fjalë për mbrojtjen e vendit të tyre. Kërcënimi i mëparshëm i Trump-it parashikonte goditjen e termocentraleve dhe urave të Iranit, nëse qeveria iraniane nuk do të hapte Ngushticën e Hormuzit deri të martën në mbrëmje.