Pesë kadetë nga Kosova diplomojnë në Akademinë Ushtarake të Turqisë

Pesë kadetë nga Kosova diplomojnë në Akademinë Ushtarake të Turqisë

Pesë kadetë nga Kosova kanë diplomuar me sukses në Akademinë Ushtarake të Forcave të Armatosura të Turqisë.

Lajmin e bëri të ditur ministri i Mbrojtjes i Kosovës, Ejup Maqedonci, i cili mori pjesë në ceremoninë e diplomimit të kadetëve. Ceremonia u zhvillua në kuadër të kremtimeve të Ditës së Fitores së Republikës së Turqisë.

Gjatë qëndrimit në Turqi, Maqedonci takoi edhe Presidentin turk, Recep Tayyip Erdoğan, si dhe Ministrin e Mbrojtjes Kombëtare, Yaşar Güler, të cilëve u përcjellë urimet me rastin e kësaj dite historike.

Ai përgëzoi pesë kadetët nga Kosova për përkushtimin, disiplinën dhe suksesin e tyre gjatë studimeve, duke u uruar një karrierë të suksesshme në shërbim të atdheut.

“I përgëzova për përkushtimin, disiplinën dhe suksesin e arritur gjatë studimeve, duke u uruar një karrierë të suksesshme në shërbim të vendit. Marrëdhëniet ndërmjet Kosovës dhe Turqisë në fushën e mbrojtjes janë të rëndësishme dhe bashkëpunimi ynë në edukimin dhe përgatitjen e kuadrove të reja ushtarake është një nga shembujt konkretë të këtij bashkëpunimi”, ka theksuar Maqedonci.