Komuniteti Shqiptaro-Amerikan në Teksas Proteston në Mbështetje të Ish-Krerëve të UÇK-së
Komuniteti shqiptaro-amerikan në Teksas organizon sot një protestë në Austin, në mbështetje të ish-krerëve të Ushtrisë Çlirimtare të Kosovës (UÇK), Hashim Thaçi, Kadri Veseli, Rexhep Selimi dhe Jakup Krasniqi.
Tubimi, siç është njoftuar, do të mbahet në orën 13:00, pranë Kapitolit të Teksasit në Austin.
Organizatorët e kanë cilësuar këtë aktivitet si një thirrje për drejtësi, për një gjykim të drejtë dhe në kundërshtim me atë që ata e konsiderojnë si ndjekje politike ndaj ish-drejtuesve të UÇK-së.
Kjo protestë organizohet pas aktgjykimit të 16 shtatorit nga Dhomat e Specializuara të Kosovës në Hagë. Sipas vendimit, Gjykata dënoi Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet, ndërsa Rexhep Selimin me 13 vjet, duke bërë një total prej 81 vitesh dënim me burgim.