**Amorim barazon rekord 70-vjeçar të Milanit, synon absolutizmin historik**
Fitorja 2:0 e Milanit ndaj Udineses i ka dhënë trajnerit Ruben Amorim një tjetër arritje të rëndësishme në Serie A.
Trajneri portugez është i pamposhtur në tetë takimet e para kampionale në krye të kuqezinjve, duke barazuar kështu një rekord të vendosur nga Hector Puricelli në vitin 1955, sipas Indeksonline.
Tashmë, përpara Amorimit qëndron vetëm një tjetër rekord historik i klubit. Bëhet fjalë për serinë prej 13 ndeshjesh radhazi pa humbje në kampionat, i vendosur nga Luis Carniglia në vitin 1963.
Nëse Milani arrin të mos humbasë në pesë takimet e ardhshme, Amorim do ta thyejë këtë rekord dhe do të shkruajë emrin e tij me germa të arta në historinë e klubit kuqezi./Indeksonline/