**Kosova dhe Belgjika, drejt bashkëpunimit të shtuar juridik në çështjet penale**
**Qeveria e Kosovës ka miratuar Projektligjin për ratifikimin e Marrëveshjes ndërmjet Kosovës dhe Belgjikës për Ndihmë të Ndërsjellë Juridike në Çështje Penale, ka njoftuar Zyra e Kryeministrit.**
Marrëveshja synon forcimin e bashkëpunimit midis autoriteteve të të dyja vendeve në sigurimin e provave, zhvillimin e procedurave penale dhe luftimin e krimit ndërkufitar.
Ministrja e Drejtësisë, Donika Gërvalla, theksoi se kjo marrëveshje forcon kuadrin ligjor të bashkëpunimit mes dy shteteve tona në çështjet penale. Ajo rregullon procedurat për sekuestrimin dhe konfiskimin e pasurisë, si dhe krijimin e grupeve të përbashkëta hetimore, me qëllim rritjen e efikasitetit në luftimin e krimit transnacional.
Përmes kësaj marrëveshjeje, Qeveria bëri të ditur se do të krijohen rregulla të përbashkëta për shkëmbimin e provave, kryerjen e veprimeve hetimore e procedurale, si dhe trajtimin e kërkesave për ndihmë juridike. Ajo do të përcaktojë qartë përgjegjësitë e autoriteteve të të dyja shteteve dhe kushtet për zbatimin ligjor.