Manchester City barazon rezultatin 2-2 kundër Brightonit në Kupën e Ligës
**Manchester City ka arritur të barazojë rezultatin 2-2 kundër Brightonit, falë golit të shënuar nga Vitor Reis në minutën e 72-të të ndeshjes. Përballja, e vlefshme për Kupën e Ligës së Anglisë (EFL Cup), po zhvillohet në stadiumin “Etihad”.**
Skuadra vendase, e cila ishte në disavantazh 1-2, arriti të rikthejë baraspeshën me golin e Reis. Aksioni që çoi në barazimin e rezultati nisi nga një goditje dënimi, e ekzekutuar me mjeshtëri nga Rayan Cherki. Ky i fundit dërgoi një harkim të rrezikshëm në zonën e penalltisë, ku Vitor Reis reagoi shpejt duke devijuar topin poshtë në qendër të portës, duke sjellë kështu barazimin për Cityn.
Më herët në ndeshje, Brighton kaloi në epërsi në minutën e 30-të me golin e Malick Yalcouyés. Megjithatë, Mateo Kovačić barazoi për Cityn në minutën e 40-të. Në fillim të pjesës së dytë, Georginio Rutter riktheu avantazhin për mysafirët në minutën e 47-të, duke e çuar rezultatin në 1-2. Goli i Reis e ka kthyer sërish ndeshjen në pikën zero, duke e bërë rezultatin 2-2.
Me rezultatin aktual 2-2, ndeshja mbetet plotësisht e hapur në minutat e fundit, ku të dyja skuadrat po luftojnë intensivisht për golin e avantazhit që do t’u siguronte kualifikimin në fazën tjetër të kupës.