Manchester United shqyrton transferimin e mesfushorit të Barcelonës, Fermín López
Manchester United po shqyrton mundësinë e transferimit të mesfushorit ofensiv të Barcelonës, Fermín López, në përpjekje për të përforcuar sulmin e tyre.
Sipas “Daily Mail Sport”, klubi anglez ka shfaqur interes për futbollistin spanjoll, i cili shihet si një opsion potencial për afatin e ardhshëm kalimtar.
Interesi i “Djajve të Kuq” vjen pas lëndimit të Benjamin Šeškos, i cili pritet të mungojë për një periudhë më të gjatë. Manchester United po kërkon alternativa për të rritur fuqinë sulmuese, dhe Fermín ka dalë në listën e emrave që po merren në konsideratë.
Megjithatë, transferimi i 23-vjeçarit nuk pritet të jetë i lehtë. Ai është një lojtar kyç për Barcelonën dhe ka një kontratë me klubin katalanas deri në vitin 2031.
Përveç Manchester Unitedit, interes për Fermínin kanë shfaqur edhe Chelsea dhe Paris Saint-Germain. Vlera e tij në treg raportohet të jetë rreth 70 milionë funte.
Deri më tani nuk ka negociata zyrtare mes klubeve, por Manchester United po e shqyrton mundësinë e transferimit të tij si pjesë e planeve për përforcimin e skuadrës.