**Mbyllje e Përkohshme e Rrugës B në Prishtinë për Gara Ciklistike “Criterium Prishtina 2026″**
Komuna e Prishtinës njofton për mbylljen e përkohshme të një segmenti të Rrugës B, të shtunën, më 7 nëntor 2026. Ky veprim vjen si pasojë e organizimit të edicionit të parë të garës urbane të çiklizmit, “Criterium Prishtina 2026”.
Sipas njoftimit zyrtar të komunës, bllokimi do të jetë në fuqi nga ora 08:30 deri në 12:00. Segmenti i prekur shtrihet nga rrethrrotullimi që lidh Rrugën A, deri te rrethrrotullimi pranë “Maxi 24”.
Megjithatë, rrethrrotullimi te “Maxi 24” nuk do të bllokohet plotësisht. Shiriti i tij i brendshëm do të mbetet i hapur për qarkullim normal, duke lehtësuar lëvizjen në atë pikë.
Për të shmangur ngarkesat dhe vonesat e mundshme në trafik, qytetarëve u rekomandohet të përdorin rrugët alternative. Këtu përfshihen Rruga A, Rruga C dhe Rruga “Fadil Vata”, e cila kalon përmes lagjes Bregu i Diellit.
Komuna ka apeluar për mirëkuptimin dhe bashkëpunimin e banorëve, duke theksuar se këto masa janë marrë për të garantuar sigurinë maksimale të garuesve dhe për të siguruar mbarëvajtjen e suksesshme të aktivitetit sportiv.
Njëkohësisht, banorët e kryeqytetit janë të ftuar të dalin në rrugë dhe të mbështesin këtë garë të rëndësishme çiklistike.