Florent Hadergjonaj shënon dhe barazon shifrat për Alanyasporin në pjesën e parë

Mbrojtësi i kombëtares së Kosovës, Florent Hadergjonaj, ishte protagonist kryesor në fundin e pjesës së parë të ndeshjes së Superligës së Turqisë mes Kasımpaşas dhe Alanyasporit, duke realizuar golin e barazimit 1-1.

Vendasit e Kasımpaşas kaluan të parët në epërsi në minutën e 29-të, kur Adrian Benedyczak shënoi saktësisht nga pika e bardhë e penalltisë për rezultatin 1-0. Pjesa e parë u karakterizua nga një lojë e ashpër dhe disa kartonë të verdhë për të dyja skuadrat.

Kur po i afrohej fundi pjesa e parë dhe pritej të mbyllej me epërsinë e vendasve, Alanyaspor fitoi një penallti në kohën shtesë (45+4′). Përgjegjësinë e mori Florent Hadergjonaj, i cili ishte i pagabueshëm nga 11-metërshi, duke dërguar topin në rrjetë dhe çuar ekipet në pushim me rezultatin e barabartë 1-1.