Interi drejt titullit: Scudetto qysh fundjavën e ardhshme me kushte!
Interi mund ta sigurojë titullin e Serie A për sezonin 2023-24 tashmë në fundjavën e ardhshme, por për këtë duhet të mposhtë Torinon në transfertë dhe të shpresojë për rezultate të favorshme nga Napoli dhe Milani.
Fitorja 3-0 ndaj Cagliarit të premten i lejoi zikaltërve të forcojnë pozicionin kryesues në renditje.
Skuadra e drejtuar nga trajneri Simone Inzaghi tani gëzon një avantazh prej 12 pikësh ndaj Napolit në vendin e dytë, i cili ka një ndeshje më pak për të zhvilluar kundër Lazios.
Milani, gjithashtu me një ndeshje më pak, renditet 15 pikë pas Interit në vendin e tretë dhe do të përballet me Hellas Verona të dielën.
Interit i kanë mbetur edhe pesë ndeshje për t’u luajtur, dhe fitimi i titullit këtë sezon duket tashmë vetëm çështje kohe.
Sipas “La Gazzetta dello Sport”, zikaltërit mund të sigurojnë Scudetton e 21-të që në fundjavën e ardhshme, por duhet të fitojnë ndaj Torinos dhe të presin që Napoli e Milani të humbasin pikë.
Që Interi të shpallet kampion më 26 prill, Napoli nuk duhet të grumbullojë më shumë se dy pikë në dy ndeshjet e ardhshme kundër Lazios dhe Cremoneses, ndërsa Milani nuk duhet të fitojë dy sfidat e radhës ndaj Veronës dhe Juventusit.