**Sulmet Izraelite në Jug të Libanit Lënë 9 të Vrarë dhe Dhjetëra të Plagosur**
Të paktën nëntë persona humbën jetën dhe dhjetëra të tjerë u plagosën si pasojë e sulmeve ajrore izraelite në jug të Libanit, të premten.
Ministria e Shëndetësisë e Libanit bëri të ditur se tetë prej viktimave, përfshirë një fëmijë, ranë pre e sulmeve në qytetin e Habbouch. Po aty, 21 persona të tjerë mbetën të plagosur. Ky informacion vjen sipas raportimeve të CNN.
Ndërkohë, në lokalitetin e Ain Baal, një person u vra dhe shtatë të tjerë u plagosën, siç konfirmoi e njëjta ministri.
Ministria e Shëndetësisë e Libanit theksoi gjithashtu se numri total i viktimave që nga fillimi i përshkallëzimit të fundit të konfliktit, në fillim të muajit mars, ka kaluar shifrën 2,600.