**Konfirmohet vendimi përfundimtar për derbin Roma-Lazio, caktohet data dhe ora**
Pas paqartësive dhe diskutimeve intensive të ditëve të fundit lidhur me kalendarin e kësaj fundjave në kampionatin italian, është arritur më në fund një marrëveshje. Ndeshjet e rëndësishme të Serisë A, veçanërisht ato që përcaktojnë zonën Champions, do të luhen rregullisht të dielën, në të njëjtën orë: në mesditë, në orën 12:00.
Lega Serie A dhe Prefektura, të cilat fillimisht e kishin zhvendosur derbin e Romës për të hënën, në orën 20:45, për shkak të masave të sigurisë – pasi të dielën zhvillohet edhe finalja e Turneut Masters të Romës në tenis – arritën më në fund një marrëveshje. Kjo u bë e mundur duke marrë në konsideratë edhe sugjerimin e TAR-it (Gjykatës Administrative Rajonale), duke shmangur kështu probleme të mëtejshme.
Ky vendim vjen pas një periudhe të ngjeshur dhe plot diskutime. Ndeshjet Roma-Lazio, Como-Parma, Genoa-Milan, Juventus-Fiorentina dhe Pisa-Napoli do të luhen në datën e programuar, pesë orë përpara finales së Turneut Masters të Romës, ku pritet të jetë i pranishëm edhe presidenti i Italisë, Sergio Mattarella. Shpresohet që gjithçka të shkojë pa probleme në stadiumin Olimpico dhe të mos ketë përleshje mes tifozëve të Romës dhe Lazios.