Një deputet australian e shfrytëzoi fjalimin e tij të lamtumirës në parlament për të bërë pyetjen më të rëndësishme të jetës së tij, duke i propozuar martesë të dashurës së tij prej 10 vitesh, ndërsa ajo e shikonte nga galeria e publikut.

Deputeti liberal i Uellsit të Ri Jugor, Jordan Lane, mbajti fjalimin e tij të lamtumirës në parlament të enjten, më pak se një muaj pasi njoftoi vendimin e tij për të dhënë dorëheqjen.

Ndërsa mbaroi fjalimin e tij, ai ia drejtoi pyetjen e tij të fundit “si anëtar i Ryde” “dashurisë së tij të madhe” Natalie, përpara se të nxirrte nga xhepi një kuti me unaza të kuqe dhe të zbulonte një unazë fejese.

“Pyetja ime e fundit si anëtar i Ryde është për dashurinë time të madhe, Natalie: a do të martohesh me mua?” pyeti ai, ndërsa salla shpërtheu në brohoritje.

Ai eci drejt galerisë publike ku ishte ulur partnerja e tij, i vuri unazën në gisht dhe e puthi ndërsa ajo fshinte lotët.

“Dua të theksoj për Hansardin se ajo tha ‘po’”, i tha ai dhomës.