Zëdhënësi i Komisionit Qendror të Zgjedhjeve (KQZ), Valmir Elezi, ka bërë të ditur se afati për partitë politike të regjistruara në Kosovë, për të njoftuar pjesëmarrjen ose mospjesëmarrjen në zgjedhje dhe formimin e koalicioneve, është mbyllur më 7 maj, në orën 24:00.
Ky afat vlente për 53 partitë politike që aktualisht janë pjesë e regjistrit të partive politike në Republikën e Kosovës.
Deri në përfundim të afatit të caktuar (1 maj – 7 maj), KQZ-ja ka pranuar njoftimet për pjesëmarrje në zgjedhje nga 22 parti politike, ndërsa 9 parti të tjera kanë deklaruar mospjesëmarrjen. Po ashtu, janë regjistruar edhe 3 koalicione, të përbëra gjithsej nga 9 parti politike.
Elezi ka specifikuar emrat e partive politike që kanë konfirmuar pjesëmarrjen e tyre në zgjedhje: Partia Socialdemokrate; Kosovaki Nevi Romani Partia; Partia Socialdemokrate e Ashkalinjve; Za Slobodu Pravdu i Opstanak; Srpska Lista; Yenilikçi Türk Hareket Partisi; Lidhja Demokratike e Kosovës; Fjala; Lëvizja Përparimtare e Romëve të Kosovës; Partia Rome e Bashkuar e Kosovës – PREBK; Socialdemokratska Unija; Jedinstvena Goranska Partija; Kosova Demokratik Türk Partisi; Nova Demokratska Stranka; Iniciativa e Re Demokratike e Kosovës; Kosovski Savez; Partia Balliste; Partia Qytetare për Mirëqenie Sociale; Partia Liberale Egjiptiane; Aleanca për Ardhmërinë e Kosovës; Stranka Demokratske Akcije; dhe Partia Demokratike e Kosovës.
Ndërsa, partitë që kanë njoftuar mospjesëmarrjen në zgjedhje janë: Partia Demokratike e Unitetit; Balli Kombëtar i Kosovës; Lëvizja Qytetare Vatra; Bashkimi për Ndryshim Anamorava; Partia e Drejtësisë; Srpski Narodni Pokret; Partia Reforma Demokratike; Aleanca Kosova e Re; dhe Nisma Socialdemokrate.
Për sa i përket koalicioneve të formuara, Elezi ka përmendur këto:
1. **Koalicioni VAKAT**, i cili përbëhet nga Demokratska Stranka Bošnjaka dhe Demokratska Stranka Vatan.
2. **Koalicioni “Ashkalitë e Bashkuar”**, që përfshin Partinë e Ashkalinjëve për Integrim, Partinë Demokratike të Ashkanlive të Kosovës dhe Lëvizjen për Bashkëveprim.
3. **Koalicioni “Lëvizja VETËVENDOSJE!”**, i cili përbëhet nga Lëvizja Vetëvendosje, Guxo, Alternativa dhe Partia Shqiptare Demokristiane.
Ky njoftim u bë nga zëdhënësi i KQZ-së për Indeksonline.