Fushë Kosovë: Sulmohet me mjet të fortë, viktima pëson frakturë në kokë
Një incident i rëndë ka ndodhur pasditen e së shtunës, më 2 maj 2026, në Fushë Kosovë, ku një person ka pësuar frakturë në kokë pas një sulmi fizik. Ngjarja dyshohet të ketë ardhur si pasojë e një mosmarrëveshjeje.
Sipas informacioneve nga Policia e Kosovës, viktima u sulmua me një mjet të fortë nga një person i gjinisë mashkullore, shtetas i Shqipërisë. I dyshuari u largua menjëherë nga vendi i ngjarjes pas sulmit.
Viktimës iu dha menjëherë ndihma mjekësore. Sipas raportit të mjekëve, lëndimet e pësuara janë klasifikuar si të rënda.
Rasti po hetohet nga njësitet përkatëse të policisë.