Sulmuesi i Evertonit, Martin Sherif, është akuzuar nga Federata Angleze e Futbollit (FA) për shkelje të rregullave të basteve sportive.
20-vjeçari dyshohet se ka vendosur 61 baste në ndeshje futbolli gjatë periudhës nga 20 nëntori 2024 deri më 12 shkurt 2026. FA ka ngritur akuzën ndaj Sherifit në bazë të rregullit E1.2.
Sipas njoftimit të FA-së, lojtari ka afat deri më 17 gusht për t’iu përgjigjur akuzave. Deri tani, nuk janë bërë publike detaje se në cilat ndeshje janë vendosur bastet apo nëse ato kanë pasur lidhje me ekipet për të cilat Sherif ka luajtur.
Sherif është pjesë e Evertonit, por ende nuk ka bërë debutimin me ekipin e parë. Sezonin e kaluar ai ishte i huazuar te Rotherham United dhe Port Vale.
Rregullat e FA-së ndalojnë pjesëmarrësit në nivelet përkatëse të futbollit anglez që të vendosin baste në ndeshje futbolli, me qëllim mbrojtjen e integritetit të sportit.
Tani pritet përgjigjja e Sherifit dhe procesi disiplinor i FA-së për të përcaktuar nëse akuzat do të pranohen dhe çfarë mase eventuale do të merret ndaj futbollistit.