Instituti Kombëtar i Shëndetësisë Publike të Kosovës (IKShPK) ka bërë të ditur se gjatë periudhës 16 prill – 15 qershor 2026 janë konfirmuar gjithsej 36 raste me fruth në vend.
Sipas të dhënave zyrtare, rastet më të shumta janë regjistruar në Ferizaj me 10 raste, Prishtinë me 8 dhe Kaçanik me 6. Më pas pasojnë Fushë Kosova me 3 raste, si dhe Lipjani, Obiliqi dhe Vushtrria me nga 2 raste secila. Në Gjilan, Shtime dhe Deçan është raportuar nga një rast.
IKShPK ka apeluar te qytetarët që të jenë të kujdesshëm dhe të paraqiten në institucionet shëndetësore në rast të simptomave si temperaturë e lartë, skuqje e lëkurës, kollë, rrufë apo konjuktivit.
Instituti ka theksuar se fruthi është një sëmundje shumë ngjitëse dhe ka kërkuar nga prindërit që të kontrollojnë vaksinimin e fëmijëve, duke nënvizuar se imunizimi mbetet masa më efektive për parandalimin e përhapjes së sëmundjes.