**Kryetari Ferati përkujton Dëshmorët e Istogut: Sakrifica e tyre, udhërrëfyes për brezat e sotëm**
Istog, Kosovë – Kryetari i Komunës së Istogut, Ilir Ferati, përkujtoi sot Ditën e Dëshmorëve të kësaj komune, duke shprehur mirënjohje të thellë për sakrificën e tyre në rrugën drejt lirisë.
Përmes një postimi në rrjetet sociale, Ferati theksoi se kujtimi i dëshmorëve duhet të jetë i përhershëm, si një rikujtim i vazhdueshëm i çmimit të lartë të lirisë. Ai vlerësoi posaçërisht guximin e të rinjve të Ushtrisë Çlirimtare të Kosovës, të cilët, me vetëdije të plotë, dhanë jetën për atdheun.
Ferati theksoi se “Historia jonë duhet të mbetet udhërrëfyes në çdo hap që ndërmarrim, në mënyrë që të mos harrojmë kurrë se nga kemi ardhur dhe kujt i jemi falur për lirinë që e gëzojmë edhe sot”.
Në fund të mesazhit, ai shtoi se 12 Prilli duhet të shërbejë si ditë reflektimi dhe nderimi për të gjithë dëshmorët e Istogut, duke theksuar se lavdia e tyre është e përjetshme.