Irani ka ekzekutuar një tjetër person, i lidhur me protestat e zhvilluara në janar. Bëhet fjalë për Ali Fahim, i cili ishte akuzuar për hyrje në një kompleks ushtarak në Teheran dhe për tentativë vjedhjeje motoçikletash.
Sipas agjencisë së lajmeve Tasnim, pranë Gardës Revolucionare Islamike, Fahim u arrestua pasi u gjet i bllokuar në një zjarr të shpërthyer brenda objektit. BBC nuk ka mundur t’i verifikojë në mënyrë të pavarur këto akuza të autoriteteve iraniane.
Kjo ekzekutim vjen në një kohë kur raportet citojnë pretendimin e ish-presidentit amerikan Donald Trump se SHBA-ja kishte dërguar “shumë armë” për protestuesit iranianë, përmes milicive kurde. Ndërkohë, qeveria iraniane ka akuzuar prej kohësh Shtetet e Bashkuara dhe Izraelin për mbështetjen e protestave në vend.
Prej 28 shkurtit, raportohet se Irani ka ekzekutuar të paktën 14 të burgosur politikë. Aktivistët paralajmërojnë për një rritje të ndjeshme të ekzekutimeve me motiv politik, duke ngritur shqetësime për shkeljet e të drejtave të njeriut.