Irani ka deklaruar se, ndonëse është shënuar njëfarë përparimi në bisedimet me Shtetet e Bashkuara, arritja e një marrëveshjeje përfundimtare “nuk është e afërt”.
Këto komente të zëdhënësit të Ministrisë së Jashtme, Esmail Baqai, vijnë pasi Sekretari i Shtetit i SHBA-së, Marco Rubio, deklaroi se një marrëveshje mund të arrihej të hënën. Lajmin e raportoi BBC, duke u transmetuar nga Klankosova.tv.
“Është e saktë të pohohet se kemi arritur në një përfundim për një pjesë të konsiderueshme të çështjeve në diskutim,” tha Baqai nga Teherani të hënën. “Megjithatë, të pretendosh se kjo nënkupton një nënshkrim të afërt të marrëveshjes – një pohim të tillë askush nuk mund ta bëjë.”
Memorandumi i mirëkuptimit, sipas burimeve, parashikon një zgjatje 60-ditore të armëpushimit, rihapjen e Ngushticës së Hormuzit dhe një plan për negociata të mëtejshme rreth programit bërthamor të Iranit.