Më 23 maj 2026, Policia Kufitare e Kosovës ndaloi dy shtetas shqiptarë të dyshuar për kontrabandë viçash në kufi. Ngjarja ka ndodhur rreth orës 14:15, në zonën e Livadhit të Golajve, Ponashec, teksa dy meshkujt po tentonin të kalonin ilegalisht pesë krerë viça nga Kosova në drejtim të Shqipërisë.
Sipas raportit zyrtar të Policisë së Kosovës, njësiti policor identifikoi shtetasit shqiptarë ndërsa po transportonin kafshët në këmbë përgjatë vijës kufitare.
Kafshët u konfiskuan menjëherë nga autoritetet. Dy të dyshuarit u shoqëruan për intervistim. Pas përfundimit të procedurave të nevojshme dhe me vendim të prokurorit, ata u liruan në procedurë të rregullt.